| LAKOMI GAZTETXEA: URTEBETE ETA AURRERA! |
 |
 |
 |
| Berton - Berton dugu | ||||||||||
| Eneritz Ibarrondo-k idatzia | ||||||||||
| asteartea, 2009 ekainak 02. 00:00 | ||||||||||
Apirilean bete zuen Santutxuko Lakomi gaztetxeak bere lehenengo urtea. Data hau aprobetxatu zuten gazteek euren lana kalera atera eta auzoari bertan zer egiten duten ikustarazteko. Honen bidez, auzoan eta gazteon artean lanean jarraituko dutela argi utzi nahi izan dute; urtebetetzea ez da ospakizun hutsa izan.  Aste osoko egitaraua Urte osoan egin ohi dituzten gauzak auzoari eskaini nahi izan dizkiete astean zehar; horrela, auzoko gazteak gaztetxean lanean dabiltzala eta hala jarraituko dutela argi utzi dute. Astelehenean, tarta dastaketa egin zuten Lakomin; kandela eta guzti. Asteazkenean, Tenderete txontxongilo taldearen emankizuna egon zen La Zonan. Ekitaldi honekin, gaztetxeak kalean ere lan egiten duela utzi dute nabarmen. Ostegunean, ‘Itsasoaren alaba’ dokumentala proiektatu zuten Lakomin. Filma bukatuta, zuzendari eta protagonistarekin tertulia egiteko aukera egon zen. Ondoren, eta urteurrenarekin bukatzeko, afaria izan zuten Gazte Asanbladako kideek. Gaztetxearen urtemuga beraz, auzoan gaztetxearen presentzia eta lana ikustarazteko eta lanean tinko jarraituko dutela argi uzteko erabili nahi izan dute batez ere. Honezaz gain, auzokideak gaztetxea erabiltzera animatzea izan dute helburu. Azken finean, Lakomi auzoarena da, gazteena. 2008ko apirilean, Santutxuko Gazte Asanbladak kaleratutako oharra Santutxuko gazteok urteak daramatzagu gazteontzat lokal autogestionatuen beharra aldarrikatzen. Gazteok auzoko bizitzan parte aktibo izateko beharra dugu eta behar hori asetzeko espazio autogestionatu bat izatea oso lagungarri zaigu. Guk geuk eraikia eta autogestionatua. Sorgintxulon erakutsi genuen sei urtez halako proiektu bat aurrera ateratzeko gai ginela, eta ilusio eta gogo handiz gainera. Udalak ez du inolako borondaterik izan auzoan dagoen lokalen faltan eskuartzeko. Alderantziz, auzoak eraikitakoa zapuzten saiatu dira, desalojo, epaiketa…. bitartez. Baina ez dute lortu eta ez dute lortuko! Ematen ez badigute, santutxuko gazteok behar-beharrezkoa dugun gaztetxea guk geuk eskuartzeko prest gaude, uzten diguten alternatiba bakarraren bitartez, okupazioaren bidez alegia.
Powered by !JoomlaComment 3.26
3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."
|
||||||||||
