1976

Juan Kruz Lakasta Euskadi Irratian egunkarien lehen orrialdeko irakurketa egiten. Gararen gaurko portadaren gaineko komentarioa egiterakoan, argazkia deskribatu eta ondokoa bota du:

"Irudi hunkigarria Athletic-en zalea bazara; irudi erabakigarria umearen zaintza erabaki behar duen epailea bazara" (Juan Kruz Lakasta)

Ona!

Bi iritziemale politikoren harpidetza bakarrik dut google reader-en nire kontuan. Gaur bat galdu dut eta bakarra gelditu zait.

Bada Morauren azken diska gomendagarrian are gomendagarriago den abesti bat, gaur egungo egoera batzuen argazki ezin hobea egiten duena. Letrak horrelako zerbait dio pasartetako batean (ez daukat diska esku artean orain, eta buruz ari naiz),

errugabeen zerrenda
handitzen ari da,
epaileen estresa
handitzen ari da,
fiskalen irudimena
handitzen ari da,

Gaurko berriren bat irakurrita, Morau etorkizuna irakurtzeko gai badela ere pentsa daiteke.

Espainiako eskuma gero eta lotsagabeagoa da. Israeldar militarrak egiten ari diren sarraskia justifikatzeko edozein aitzakia da baliagarri. Azkena: Iñaki de Juana ere antzeko mobilizaziotan egon izana. Libertad Digital -ek Madrileko manifestazioaz dio: " De Juana secundó otra parecida en Belfast". El Mundoko harrapakariek  argazkia argitaratu dute.
Justifikaezina justifikatu nahi denean, bidezidorrak bilatzen dira. Nazkagarriak!