Karrajua bi debaldeko klona

Alternatibak eta ideiak topatzeko hiru leku hauek gomendatuko ditugu (gaztelaniaz):

Wwwhatsnew

 

Genbeta

 

ñblog: utilidades y recursos para blogs

 

Aplikazio bilduma asko daude, nik hiru hauek jarraitzen ditut gehien bat. Sarri eguneratzen dira, eta nahi dudana topatzen lagundu didate askotan.

Technorati Tags: web2.0, aplikazioak, bildumak, klona

Karrajuaren klonaren lehenengo bertsioan zerbitzu baliagarri batzuk aurkitu genituen. Orduan esan bezala alternatibak ere badaude, asko egon ere. Den-denak ez ditugu jorratuko, ze web2.0 aplikazioen kopurua ikaragarria da. Baina alternatiba moduko zerbait interesgarri aurkitzen dugunean hemen plazaratuko dugu. Gaurkoan bi:

Xfruits. RSS jarioak, agregatzailea edota metabloga 

 

Alesti proposatu genuen lehenengo proban. Ez dago txarto, eta euskaraz gainera. Dena dela arazo teknikoekin ibiltzen da sarri eta itxuraren aldetik apur bat nahastosoa suertatzen da. Sareko agregatzaile asko daude eta alternatiba faltan ez gara egongo. Errazena Bloglines-era jotzea duda barik. Baina beste zerbitzu bat topatu dut, Xfruits. Aukera interesgarri asko ematen dituena.

• Jario batzuk bakar baten bildu.
• Jario bat web-orri baten erakutsi. Diseinu dotorearekin gainera.
• E-posta-ren bidez RSSa sortu edo RSS bat pdf bihurtu.
• Esan bezala, diseinu eta leihoen sistema dotorea eta polita.

Lehenengo eta bigarren zerbitzuak erabili dugu momentuz. Ez ditut jario guztiak sartu (muga dauka eta ez dut denak sartzeko astirik izan), eta hemen dauzkazue emaitza batzuk:

• Euskaltegiblogak: jarioa eta orria
• Mintzalagunak: jarioa eta orria.

Orriak politak, ezta? Neuri behintzat koloreen konbinazio hori gustatu zait. Lehengo egunean SUEkoen proba hau aurkitu nuen sarean: http://www.santurtzieus.com/irakas_bloga. Halako bat egiteko modua izan daiteke Xfruits hau.

Testuak, wikiak edo dokumentuak.

Norberaren testuak edo testu kolaboratiboak sortzeko eta argitaratzeko ere sarean badago tresnatan. Lehengoan webpaint eta schtuff erabili genituen. Orain beste bi:

Wikispaces

 

 Schtuff eta Wetpaint moduko zerbitzua da. Wikiek osatutako testuekin espazioak edo guneak antolatzeko zerbitzua. Norberarenak edo taldean eginak. Ez du aparteko ezer aportatzen, baina nahikoa ezaguna da eta intresgarria iritzi diot aipatzeari. WYSIWYG editorea dauka, etiketak eta abar. RSSik ez dut aurkitu. Hemen proba: http://karrajua.wikispaces.com.

GoogleDocs (edo Writely-ren ondorengoa)

 

Google-en inguruan ez dut gauza handirik esan behar. Writely ere ezagutu zenuten askok honez gero. Sareko testu-editore potenteenarikoa duda barik. Dokumentuak Word edo OpenOfficce-en antzera editatu eta sarean eduki. Hori da zerbitzu honen deigarriena, editatzeko erraztasuna. Hala ere, guri interesatzen zaizkigun funtzionalietate pare bat ere badauzka:

1. Dokumentuak kolaborazioan idatz daitezke. Ez dute zertan izan erabiltzaile bakar batenak.
2. Dokumentuak nahi dugun mailan argitaratu ditzakegu. Pribatuan utzi, nahi dugun jendearentzat baino ez utzi bistan, eta edonoren eskura jarri. Azken honen adibide bat: http://docs.google.com/View?docid=ah89qfjb3tsm_5dmtcvg  

Technorati Tags: rss, karrajua, wiki, web2.0
euskaltegiak

Karrajuaren instalazioa “liberatu” ondoren, horrelako bat egitea konplikatua eta guztion eskura ez dagoen gauza dela pentsatu daitekeela konturatu naiz. Ez dut uste bereziki zaila denik, baina egia da gutxieneko kontrola eta hari ekiteko gogoa behar dela.

Dena dela, “karraju” bat montatzeak gaur egun hain zaila ez du zertan izan. Ditxosozko Web2.0 horren ezaugarrietako bat zeure ordenagailuan edo zeure zerbitzarian egon behar ez duten aplikazioen abaniko itzela da. Mila gauza egin ditzakegu on-line aplikazio hauekin, debalde gainera.

Horrela bada, karrajuaren aurreinstalazioa ikusi eta inor ikaratu bada, saiatu naiz karraju moduko bat erraz eta debalde antolatzen sareko aplikazioekin.

Orrialdeak: 1 2 3 4