Matzorrianori kendute

Azkenean amaitu eta bukatu dut, aurten EGA atera dut. Urte guztia eta osoa euskaltegian berridazketak egiten igaro ostean eta ondoren, azkenean bete dut nire ametsa, hau da, Bertonen artikulu bat idaztea edo izkiriatzea, alegia. Honela bada, kontatu diezazueket nola Santutxuko jaietan egun guztia eta osoa iragan eta pasatuko dudan euskaraz mintzatzen eta hitz egiten, zeren eta ofizialki euskalduna izatera iristeko eta heltzeko egin ditudan ahalegina eta esfortzua alferrikakoak izan ez dakizkidan orain euskaraz aritzea eta jardutea besterik ez baitut. Eta neureganatu dudan jakintza guztia eta osoa plazaratzeko aukera paregabe eta bikain honetaz profitatuz eta baliatuz, sinonimo eta antonimoen hiztegia aldean dudalarik, ez dut berriro men egingo zutabe hau eskribitzen duten letrabakoen aurrean. Izan ere, Euskaltzaindiaren lege eta arauren aurkako eta kontrako idazki zuzterbako eta ganorabako horiek behin betirako eta behingoz baztertu eta alboratu behar ditugu ......... Lekua amaitu zaidala? Onena falta dut, ordea eta baina!. Utz ieza..

Firmaute: Egirletapeko Mahats orri