Matzorrianori kendute

Grisak ei zirien lehenago Bilbo guztiko hormak, ta baten bateri gustau ez ta modernoak izan behar gariela ta hormak pintaten hasi zirien. Ta grisa ta baltzan artean egoana klase guztietako koloriek hartuten joan zan, kolorie ta materidxela: metalizaua, plastifikaua, begetala... horma exotikoak modernidadean seinale edo. Keien testurako gris-baltza fuera!

Ta gris-baltza keian testurakoagaz ia akabau daurie, pinturie, burdine ta plastikoa bota ta botata, baie badago beste kolore bat be gustaten ez dana: zuridxe. Kare-kolorie antxinekoa edo da, ez da modernoa, gitxiago bedar-arbolan berdeagaz konbinaute, antza. Ta oingoan ez da hormie bakarrik, ez, zuri kolorie dekon guztidxe bota edo egin behar da. Haren lekuen gris metalizau edo ladrilo anaranjau da norma barridxe.

Puntu zuridxek ikusten direz antxinako fotoetan, solo ta zelaietako berdean erdidxen galdute, txapeltxu gorritxu bategaz sarri. Ondiñokarren dekogu puntu zurin bat, gris, anaranjau, krema, pastel koloreko kuboen erdidxen, ta ha be asko da antza, kolorien kontrastien kontraste lar edo puntu zuri txikidxe. Horreik koloriek ekarri deittuzen alegrantzidxe akabau ta dana atzera keian testurako gris-baltzara etorriko ete dan jakin barik be.



Firmaute: Etxe zuriko pintura zuridxe