Partaideon foroa

Bitxia da oso, mendeko partidarik garrantzitsuena jokatuko omen den honetan, zenbait komunikabidek Athletic-aren berezitasunari egin nahi dioten urratua. Izan ere, behin eta berriro aipatzen dute Fernando Llorentez jarduteko el delantero de Rincón de Soto, el tanque riojano, el ariete nacido en la Rioja etab. nahiz eta ondotxo dakiten Llorente Iruñean jaiotakoa dela. Gauza berbera, baina kasu honetan arrazoi osoarekin, egiten dute El País, El Mundo Deportivo, As eta enparauek David Lopez aipatzen dutenean.

Beste alde batetik, gaur bertan jakin dugu Sustatu eta El País-en bidez, Athletic-eko jokalariek euskara erabiltzen dutela taktika gisa. Taktika hitza ugaritan erabiltzen du artikulu honetan kazetariak. Eta ematen du ezin daitekeela beste edozertarako erabili euskara: amablea izateko taktikoki. Gaur, yoga klasearen ostean, Iruñean jaiota eta Rincon de Soton hazitako aurrelariaren golak desioko ditut, kirol-toponimia des-ideologizatuan lasai murgildu ahal izateko.