Partaideon foroa

Gure Txokoa blogean haien partaideetako baten musika-taldearen link-a jarri dute, Garage13. Webgune horretan musika artxiboak jarri dituzte entzungai mp3an. Zuetako norbaitek blogean halako musika artxiboa erreproduktore ta guzti entzungai jarri nahi badu truku erraza azalduko dizuegu:

• Blog mezua editatzen duzuela sakatu "aurreratua" botoia.
• Kopiatu musika artxiboaren helbidea mezuan, adibidez:
  http://www.garaje13.com/Archivos/la_huelga.mp3
• Joan http://del.icio.us/help/playtagger helbidera eta berton ematen zaizuen kode zati hau mezuan nahi duzun lekuan itsatsi:

<script type="text/javascript" src="http://images.del.icio.us/static/js/playtagger.js"></script>

• Gorde mezua (edo aurrebista egin hobeto)
• Eta hau ikusiko duzu. Sakatu eta berton entzungo duzu.

Link-a zuzenean sartu gabe hitz bat linkeatu ere egin dezakezu, adibidez:

Garage13-La Huelga

Zuen musika erakusteko, podcasta egiteko edo topatzen dituzuen entzungai interesanteak estekatzeko erabili dezakezue.
Kanpoko loturekin erabili behar da, komunitate honetan ez dago baimenduta mp3 artxiboak igotzea.
Beste bat:

Los Monsters

Iragarri dugun bezala, gaurtik aurrera nobedade bi dauzkagu komunitatean. Editore grafikoa eta mezuetan objektuak sartzeko aukera.
Gauza biak batera, ondo erabili ezean, arazo iturri izan daitezkeenez, instrukzio grafiko hauek prestatu ditugu Youtube-ko bideo bat sartzeko. Youtube-ko bideoekin bezala, gure mezuetan txertatzeko kode zatiak ematen dituzten zerbitzu guztiei aplikatu dakieke sistema berdina

Hobeto ikusteko sakatu bi biderrez gainera eta behean eskuman agertzuko den "full" botoiaren gainean sakatu. Arazoak edo galderak badauzkazue hemen galdetu baino ez duzue egin behar.

Kostatu zaigu, baina azkenean hemen daukagu komunitatea. Kontu teknikoek eduki gaituzte harrapatuta orain arte, eta egia esanda, ez dugu ondo pentsatu zelan aurkeztu komunitatea auzuneari eta munduari. Ideiak eta proposamenak eskatu nahi dizuegu beraz. Guri momentuz hau okurritu zaigu:

• Prentsa-ra eta sarean halako albisteak zabaltzendiren guneetara bidaltzea (sustatu, zabaldu.com,...). Bertonek erreportajea atera du dagoneko.
• Gure auzoan jendeak badaki bloga zer den? Hitzaldi, jardunaldi, ikastaro eta halakoren beharra dagoela uste duzue? Proposamen zehatzik?
• Blogari berrien artean Santutxun pisua zozketatzea. Kontularitza saila lanean daukagu, eta hemendik hamabost egunera prezioak igotzen ez badira, igual eskaintzeko moduan egongo gara... hortxe-hortxe dabil gure aurrekontua...

Blog hau komunitateko partaideen bloga da. Hemen komunitatearen inguruko kontuak plazaratu ahal dituzue Mahats Orriak-eko kide guztiok.
Mezua idazten duzuenean saiatu katergoria hauetako baten baten sartzen:

• Arazoak: nabigatzean edo editatzean topatzen dituzuen arazoak edo hutsak.
• Ideiak eta proposamenak: komunitatea hobetzeko edo osatzeko okurritzen zaizuena edo beste partaideei bota nahi dizkiezuen enbidoak.
• Zalantzak. Zeozer egin gura eta zelan jakin ez. Argazkiak sartu, artxiboak igo, testua formateatu,... Bota hemen
• Bestelakoak: aurreko guztietan non sartu ez dakizuna baina plazaratu behar dela uste duzuna