Ahuntzaren Eguerdiko Doministikua

Paziente guztiei ezin deutsezuz holako erokeriak planteadu, burutik jota zagozala pentsatzea eta zeugan konfiantza guztia galtzea ez badozu nahi behintzat. Baina beti dago pazienteren bat ordurako konfiantza guztia deukola zeugan, egiten dozuna egiten dozularik, eta erokeriei eta ametsei bildurrik ez deutsena. 

N.A.S., esate baterako. Ospitalean egoala, behin amets egin eban San Joanak zirala, Arrasateko jaiak alegia, eta Pello (geure antxumea) han egoala beragaz. Ospitalean gaixorik egoan, baina amets egin eban osasuntsu egoala, eta Pellogaz juten zala barraketara eta mota guztietako aititekeriak egiten zituala litxarkeriak emoten eta abar. N.A.S.-ek ez eban Pello ezagutzen, argazki pare batean ikusita ez bazan. Baina geuk biok harreman sendoa geneukan, eta diruz ez eustan ordaintzen, noski (osasungintza publikoan egiten dot lan!). Baina Extremadurako produktu goxoak eskaintzen eustazan bere etxera bisitan juten nintzan bakoitzean, hilabetean behin alegia. Esan leikegu beraz pernil, txorizo eta ardaoagaz ordaintzen eustala.

Orain dala urte batzuk hil zan, eta ezin deutsat esan lasterketa bat egiten genduala amets egiteko. Baina N.A.S. hori esateko paziente egoki-egokia zan.