Ahuntzaren Eguerdiko Doministikua

Brontzezko Ahuntza: Montserrat Guibernau irakasleari,·"Nazionalismo kosmopolitaren utopia" eder horretan sinestearren.

Zidarrezko Ahuntza: Zorionez grabitate puntu iraunkorra oraindino topau ez dauan Franco Battiato ahuntz erraldoiari.

Urrezko Ahuntza: Euskal ahuntzen artean ahunzgarrienari, hala artista flamenkoekin batera zelan Bob Dylanegaz abesteko gai izan zanari. Mikel Laboari.

Intzentzuzko Ahuntza: Frai Koldo lagunari, aurton hartutako erabaki potoloan erakutsitako adoreagaitik.

Mirrazko Ahuntza: Patxi Trapero maitagarri, irudimentsu eta nekaezinari, aurtongo Gabonetako postalagaz marka guztiak apurtu dituenez. 

Zaborrezko Ahuntza: Oinaztar eta ganboatarrei, bien artean Baskistan – Iran partida barik laga deuskuelako, besteak beste. Eta berez aspertuta naukatelako.

Jo eta ke Ahuntza: Demoei, euskal preso guztien alde egin izatearren. Aurrera bolie!

Erriberako Ahuntza: Jokin Muñozeri, gaur egungo idazlerik interesgarrienetarikoa dan horreri.

Robinson Crusoe Ahuntza: Fred Perers lagunari, azkenean itotzear egoan naufragoarentzat ugarte handi bat topau daualako.

Zeluloidezko Ahuntza: Igaz legez, Woody Alleneri, aurton “Vicky, Cristina, Barcelona” pelikulagaitik.

Binilozko Ahuntza: “Awañac” diskoari, aitaren omenez Pettik egindako horreri.

Zuzeneko Ahuntza: Patti Smithek Boluetan eskainitakoa ahuntzaren eguerdiko doministikua izan ez bazan be, Ama Say itzulitakoek Tenpluan emondako kontzertua beste galaxia batekoa izan zan.

Santutxuko Irakurlearen Tarteko Ahuntza: Kirmen Uribe ahuntzari, “Bilbao- New York- Bilbao” liburuagaitik.

Goñiko Ahuntza: La Pelota Basqua kolpatu eta txarto tratatutakoari.

Diamantezko Botxokaria: "2666" antzezlan bikainari, konpainia bikainean Arriagan ikusitakoa.

Diamantezko Doministikua: Pello geure antxumeari, aurton be. Doministiku gozagarri eta kilikagarria izatearren. Izaten denean.

Alberto Ormaetxea Saria: Eider Alkorta politologoa, zutabegile eta kalakari finari, "Futbola ez dut gustuko" artikuluagaitik.

Gor@gut@gut@rr@k Ahuntza: Azken forofo txuri-urdinoi. Gora geu eta geure zoritxarreko taldea!