Ahuntzaren Eguerdiko Doministikua

Epa! Eta gizon jakintsuak zer dio honetaz?

Gizon zuri jakintsuak kosmopolita dala pentsatzen dau, eta geu m'ongolo tribal, lokalista eta atzeratuak garela. Haren modukoak "ciutadans" dira, (munduko) uritarrak alegia, eta banderen eta mugen ganean dagoz. Neuk esango nuke mundu honetakoak be ez dirala, Ruper handiak esan legez "sasi guztien gainetikan dabiltza hegan".

Baina neuk uste dot zelabait uztargarria dala zeure ingurua ezagutu eta maitatzea munduko beste bazter batzuk ezagutu eta maiatzeagaz batera. Onartzen dot teorian "nazionalismoa" eta "kosmopolitismoa" kontzeptu desbardinak dirala eta inkluso kontrajarriak, baina praktikan gauzak ez dirala holakoak. Praktikan, bidaiak egiten gauza askotaz konturatzen zara, tartean bidaiatzeak ez dakarrela nazionalismoaren sendaketa, besteak beste nazionalismoa inongo gaixotasunik ez dalako. Are gehiago, bidaiatzeak neuri behintzat abertzaletasuna indartzen deusta, zentzurik positiboenean, eta aldi berean "kosmozaletasuna" pizten deusta.

Gai hau izugarri gustetan jat, askotan esan dot, eta beste batean blogeratuko dot honeri buruzko test bat, zeure lankide gogaikarri horreri egiteko diseinatua, hurrengo oporretan madrildar-hasieran-katxondoak-eta-azkenean-nazkagarri horiei egiteko aproposa. Adi egon!

Test-aren zain, beraz. Nik landa lana egiteko konpromisoa hartzen dut ;)