Domekako eldarnioak
Irrati-goiza eduki genuen atzo. Amaraunaren tenporada berria hasi da eta 11.30etara atzeratu digute saioa (domekan estimatzen dena). Hasiera izateko gai latzak atzokoak: bloga erabiltzegatik bidali duten irakaslearena, Euskadi (Hawaii?) 5.0 edo pakenostendamostodos0.1, eta Belen-estebanizazio pandemia blogeroa.
Total, Elcorreoko marketiñeroaren erantzun natural-naturala entzunda, eta batzuek blogeroon kontrako errepresio mediatiko-laborala hasi delako zantzuak barruntatuta, horrelakoetan beti egin zena egiteko gogoa-beharra etorri zait: basora noa ihesi, hura izango da gure lekua eta!
Eta basoan zer ikusi eta:
Basurde delinkuentea:
Armiarma alpinista...
Eta errepidean eskuineko karriletik mantso, zibilizatu eta urbanita total dabilen ardi koadrila, pastorea VW Golf batean atzetik datorrela (atzetik ez dut beste inor ikusi, zin dagizuet)
A gripearen eldarnioak, edo konspirazio unibertsal baten objektiboa naiz?
Erantzunak, Pingback-ak:
Basora jun beharko degu aurki bai... Arrisku eta guzti, urbean baino seguruago ;-)
2009/10/06 @ 08:37
2009/10/06 @ 20:50 
