Jakin duzuenez, azken asteotan arazo tekniko handiak izan ditugu Mahatsorriak.org komunitatean. Batetik spam-aren eraso gogorra eduki dugu, eta bestetik, zerbitzari aldaketa egin behar izan dugu. Biak batuta ia aste pare bateko etena izan dugu.

Arazoak konpontzeko bidean daude dagoeneko:

• Egunotan jasotako spam gehiena ezabatu egin dugu. Hortik zehar aurkitu ez dugun iruzkin kaparra horietako bat ikusten baduzue, jakinarazi eta garbitu egingo dugu.


• Captcha sistema ezarri dugu spama gelditzeko. Captcha erantzuna bota baino lehen tekleatu behar diren letra edo zenbaki horiek dira. Apur bat deserosoagoa da iruzkina botatzeko orduan, baina spama gelditzeko biderik efektiboenetakoa da.

Arazo txikitxo bat daukagu oraindik, baina ez du komunitatearen martxa oztopatuko. Konturatzen bazarete, blog mezuen helbideak aldatu egin dira. Orain honelakoak dira: http://www.asapala.org/mahatsorriak/hasier?title=leku_isiltasunari_1&more=1&c=1&tb=1&pb=1.

Lehen dotoreagoak ziren: http://www.asapala.org/mahatsorriak/hasier/080228/isiltasunari estilokoak. Hau zerbitzari aldaketak ekarri duen arazoa da, eta laster batean konponduko dugu.

Ondo dabilen beste zerbait ikusten baduzue, jakinarazi mesedez.

Bitartean barkatu egunotako endredo guztiak eta blogari egurra!!!!

Bilbo Hiria Irratiko lagunek hilero egiten diote elkarrizketatxoa Hektor Bertoneko zuzendariari azkenengo zenbakiaren errepaso modura.
Bilbo Hiriak bere programa asko sarean ere ipintzen ditu entzungai, eta horrela bada elkarrizketa hauetako pare bat dauzkagu han.

• 105 zenbakia (entzun). Aldizkaria sarean.
  
• 100 zenbakia (entzun). Aldizkaria sarean.

Eta ez ahaztu Bilbo Hiria podcast erara ere entzun ahal duzuela.
Badaezpada Bertonekoei egiten dizkieten elkarrizketekin podcast txikitxo bat ere egin dugu. Hemen behean daukazue entzungai, eta hemen harpidetzeko helbidea.

Irratia.com-eko lagunek, Bertonek legez, 100 biderrez bota dituzte botatzekoak.

Eta 100. saioa zuzenean eta bistan egingo dute Kafe Antzokian datorren eguaztenean, abenduak 5, eta bertora gonbidatu digute blogariok Jabi Zabalak eta Patxi Gaztelumendik. Basque Digital Shepherds’ Meeting-era hain zuzen ere.

Wikia atondu dute ospakizunerako, eta han, besteak beste, izena eman ahal duzue ekitaldirako.

Blogariok karetoa elkarri ikusteko aukera paregabea!!!

Badakizue:

Abenduaren 5ean, gaueko 22.00etan Kafe Antzokian.